ntoni

A Larignanu, a ri tiempi belli

c’era ‘nu persunaggiu “Zicarelli”.

A su paise mai ha fattu male !

Su tiziu dittu: ‘Ntoni ‘u capitale

Iu mu ricuardu davanti ‘u putighinu

sedutu sempre a chiru sgabellinu

e quannu le venia l’appititu

se ‘ncaminava versu lu trappitu.

Nessunu mai l’ha negatu nente

Era bbulutu bene ‘e tutta ‘a gente.

Zu ‘ntoni senza casa né mugliera

Avia cumu villa ‘na pagliera.

Quannu campava chiru frà Lucianu

Durmia a ru cummiantu dintru ‘u granu

A menzijuarnu dovunque se trovava

Ad ugne casa sempre iddru mangiava.

Quannu ‘pù le ‘ncruzzava ra ciutia

Cantava chira bella litania

..Santu Rafele a raja… ora… pro...no...bbiiiiiii….

Cum’era curiusu chiru ‘Ntoni !!!

Ma chianu,…… chianu……

‘lu paise è trasfurmatu !!!

E lu Zzu ‘Ntoni è statu alluntanatu.

L’hannu speditu dintra ‘nu castellu

cchiù canusciutu cumu Serra Ajellu

Du “capitale” un s’è saputu nente !

Nè s’era muartu, n’è ss’era vivente !!

L’unico chi le statu chiù vicinu

È statu patre Fedele ‘u Cappuccinu

Infatti, si vui jati aru mercatu,

c’è ‘Ntoni ccù re piecure assettatu.

Cappiellu in testa e bbastune mmanu,

ma ccù re spalle a Larignanu.

Chi fine brutta chiru …Capitale !!
‘u l’hannu fattu mancu u funerale…!!
Nessunu mai chiù diddru s’è ricurdatu.!!
E’ muartu in guerra cumu ‘nu surdatu.

Cosenza:oasi francescana costruita da Padre Fedele Bisceglia